كيف تكون اشكال الشباب عند الاشاره ؟؟؟؟؟

السلام عليكم
>>>>>>>
&&&&&&&&&&&&&

كيف تكون اشكال الشباب عند الاشاره ؟؟؟؟؟
النوع 1
هو الي يستغل وقته ويرتب سيارته ويفتح دروج سيارته ويعفط في هالفواتير ويرميها في الشارع وفجأه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره
(الرجال مرتب)
وتنفتح الاشاره والاخ مشغول في التنظيف


النوع 2
وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف) وشوي ويقص اظافر يده وماتدري الاوهو مرفع رجله يقصها
هذا اذا كان معاه مقص اظافر واذا ماكان موجود فالحل موجود طبعا
يقص اظافره بواسطه اسنانه
(قمه النظافه)

النوع 3
وهو اكثر واحد يفرح اذا وقف عند الاشاره علشان يبدأ يستعرض ويرقص ويردح هو واخوياه ويرقصون السياره معهم !! انوااااع الفله


النوع 4
وهو الي قبله وهو الي يشغل شريط خالد عبدالرحمن وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح



النوع 5
وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخرب التشخيصه
(يستعمل اساليب التربيه الحديثه)
ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه


النوع 6
وهو الي يستغل الوقت ويجلس يشخص ويرش عطر وشوي ومشغل شريط (سيلين ديون) مسوي جو اجنبي وانواع القز في السيارات الي جنبه


النوع 7
وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه
يالله عاد موصدق تشوفون المناظر هذي في السياره عند الاشاره؟؟؟؟

&&&&&&&&&&&&&&
تقبلوا خالص
تحيااتي واحتراماتي

مشكوره ياونه على الموضوع من جد هذا الي نشوفه عند الإشاره
بس نسيتي نقطه
8-الي فاتح النافذه يكلم جوال وماخذ راحته كل السيارات عرفو يكلم مين
9- والي يشرب زقاير ويرمي بالشارع